Toca unha curta...

Hoxe imos divertirnos vendo esta breve curtametraxe chamada “EL PUENTE” que nos vai axudar na identificación das emocións e na resolución de conflictos.

Con esta divertida curtametraxe podemos aprender a identificar as nosas emocións e verbalizalas, tamén a como poder resolver os conflictos que van aparecendo nas nosas relacións sociais. 
Unha vez que o vexamos podemos facer moitas actividades... 
Aquí propoñémosvos algunhas para traballar a linguaxe oral, as emocións, a expresión creativa, entre outros aspectos: 
- Identificamos e verbalizamos os animais que aparecen no vídeo e o seu tamaño. 
- Identificamos e explicamos verbalmente a emoción que pode sentir cada animal e cómo solucionan os conflictos. Podemos tamén plasmar esas emocións en papel usando cores e formas para cada emoción. 
Por exemplo: círculo vermello para o enfado, enoxo, rabia… e círculo amarelo para a ledicia, contento…o círculo azul para a dúbida, o medo…. - Cal sería a mellor opción para resolver os problemas de forma pacífica? 
- Cal é a forma na que ti resolves os problemas, como os animais grandes ou como os pequenos?
- Buscamos na casa diferentes animais de xoguete e representamos con eles o vídeo coa nosa familia. 
- Plasmamos nun debuxo, a parte do vídeo que máis nos gustou .